![\"\"](\"https:\/\/www.miriamjones.co.uk\/wp-content\/uploads\/2020\/06\/fi-270x300.jpg\")
<\/a><\/p>\nYn fwy na dim Crefftwraig ydwyf. Rwyn mwynhau creu gwrthrychau prydferth ac addurniadol sydd wedi cael eu hysbrydoli gan dirwedd a gwrthrychau o amgylch fy nghartref ar\u00a0fferm fechan yn Ngogledd Cymru sydd wedi ei leoli yn agos at draeth Porth Neigwl ym Mhen Llyn.<\/p>\n
Cymraeg yw fy mamiaith, ac rwyn cyfuno iaith a cherddi yn fy ngwaith drwy ysgythru ar arwyneb y pren gyda laser.<\/p>\n
Yn ystod fy nghyfnod ym Manceinion yn astudio 3D design a MA Design yn Manchester School of Art, darganfyddais faint o ddylanwad cryf mae fy nghefndir Cymreig yn ei gael ar fy ngwaith, a`r pwysigrwydd ei fod yn rhan o\u2019m hunaniaeth.<\/p>\n
Fi yw\u2019r pedwerydd cenhedlaeth o fewn fy nheulu i weithio gyda coed, ar unig ferch. Er imi arbrofi gyda defnyddiau eraill i \u00a0chwilio am ysbrydoliaeth roeddwn wastad yn dod yn ol i dylanwadau Cymreig yn fy ngwaith pren.<\/p>\n
Mae ffermio yn elfen bwysig sydd yn dylanwadu fy ngwaith. Rwyn cymeryd ysbrydoliaeth o linynau b\u00eals lliwgar wedi ei glymu o amgylch postiau a giatiau , mae\u2019r ysbrydoliaeth yma yn cael ei ddynwared yn fy ngwaith drwy glymu edau lliw o amglych y preniau fel addurn.<\/p>\n
Mae llawer o fy \u00a0ngwaith wedi ei greu o bren sydd wedi ei adfer, neu gweddillion o brosiectau eraill sydd yn cael eu troi i wrthrychau addurniadol gydag \u00a0ystyr a phwrpas iddo unwaith yn rhagor. Does dim yn cael ei wastraffu yn y broses o greu’r gwaith. \u00a0Mae’r llwch lli’n cael ei roi o dan yr ieir ar y fferm.<\/p>\n
Mae pob darn o waith yn unigryw a chyda’i \u00a0stori ei hun tu \u00f4l iddo, gwnewch yn siwr eich bod yn darllen pob disgrifiad i gael deall y stori ar ysbrydoliaeth.<\/p>\n
Mae fy ngwaith yn syml, yn gyfoes, addurniadol ac yn llyfn i’w gyffwrdd. Fy mwriad yw dathlu prydferthwch y pren drwy greu ffurfiau syml ac ychwanegu mymryn o liw i ddenu’r llygaid.<\/p>\n
Cychwynodd y busnas bach yn garij fy rhieni, a bellach mae wedi ehangu.\u00a0 Fe wnesi a fy nhad adeiladu gweithdy newydd yn 2018, ag mae bellach yn weithdy arbennig iawn i weithio ynddo.<\/p>\n
Roeddwn yn lwcus i gael fy newis fel un o’r ‘turnwyr coed’ ifanc sydd yn datblygu eu sgiliau yn Mhrydain yn 2022. hoffwn barhau i ddatblygu ymhellach yn y dyfodol ond rwan rwyn gwneud y busnes rhan amser wrth rhannu fy amser rhwng teulu a cyfrifoldebau eraill.<\/p>\n
<\/a><\/p>\n